Badnazarlik va zinodan saqlanish

Инсон ташқи маълумотларнинг етмиш фоизга яқинини кўз орқали олар экан. Биология фанининг хулосаси шундай. Демак, инсон ҳаётида кўзнинг муҳим ўрин бор. Бу неъмат шукрининг адоси йўқ. Фақат тўғри ишлатиш билангина унинг ҳаққини қисман бериш мумкин. Унутмаслик керакки, ҳар бир неъматда бўлгани каби, кўз ҳам ҳаром Йўлда ишлатилса, у неъмат эмас, бало бўлади. Қўлимиздаги рисола бизни ана шу кўз орқали келадиган балолардан огоҳ этади, кўп гуноҳлардан кўзни тийиш билан сақланиш мумкинлигини ўргатади. Марҳамат, мутолаа қилинг, фикр юритинг ва кўзни тийишга ўзингизда куч топинг. Аллоҳ муваффақ қилсин.